كل توقّع بياخد نقط على 4 حاجات مستقلّة: أهداف صاحب الأرض صح (+3)، أهداف الضيف صح (+3)، فرق الأهداف صح (+3)، والنتيجة (فوز/تعادل/خسارة) صح (+3). يعني النتيجة المضبوطة بالظبط بتجيب 12 نقطة أساسية، وممكن يتضاف عليها بونص.

لو اخترت اللاعب اللي سجّل أول هدف فعلاً بتاخد +3. ولو اللاعب اللي اخترته سجّل في الماتش بس مكانش أول هدّاف، بتاخد +1.

بتاخد نقط أول هدّاف (+3) كمان، لأن "محدش سجّل" هي الإجابة الصح على سؤال الهدّاف. بيتحسب سواء اخترت لاعب أو سِبت الخانة فاضية. طبعاً ده غير نقط النتيجة المضبوطة.

لو نتيجتك المضبوطة أو هدّافك الصح اختارهم عدد قليل من اللاعبين، بتاخد بونص إضافي: +5 لو أقل من 10% من المتوقّعين اختاروا نفس الحاجة، و+15 لو أقل من 1%.

دول اختياريين. لو شغّلت واحد منهم وحصل فعلاً في الماتش بتاخد +3، ولو محصلش بتخسر نقطة واحدة (-1). لو سِبتهم مقفولين مش بتكسب ولا بتخسر حاجة.

الكروت بتضرب نقط الجولة: كارت كتاكيتو (×2) على الجولة كلها، وكروت ريف الثلاثية (×3) وكروت هيرو الرباعية (×4) على ماتش واحد بتختاره. مسموح بكارت واحد بس في الجولة، وليك رصيد محدود لكل نص موسم.

كارت الجولة (كتاكيتو) لازم يتفعّل قبل صافرة بداية أول ماتش في الجولة. كروت الماتش بتختارها من جوّه كارت الماتش نفسه في صفحة التوقّعات لحد ٥ دقايق قبل ما الماتش يبدأ.

كل ماتش بيتقفل لوحده قبل صافرة بدايته بـ٥ دقايق، في الدوري الإنجليزي ودوري الأبطال. يعني لو أول ماتش في الجولة بدأ، تقدر لسه تتوقّع باقي الماتشات لكل واحد لحد ٥ دقايق قبل ما يبدأ. بعد القفل مش هتقدر تعدّل.

مجموع نقط توقعاتك، والترتيب بيتحدّث أول ما نتايج الجولة تتسجّل. نقط Kor Cards بتتحسب في جدول النص الأول وجدول النص التاني والترتيب العام بس — مش في جدول الجولة ولا جدول المرحلة ولا ترتيب النهاردة.

جدول ترتيب خاص بينك وبين أصحابك. تعمل دوري وتبعت كود الدعوة، وأي حد يدخل بالكود بيتحسب معاك في نفس الجدول من غير ما يأثر على ترتيبك العام.

بتصرف فيه النقط اللي جمّعتها على باكدجات كروت. الكروت اللي بتفتحها بتروح لمحفظتك وتقدر تلعبها في الجولات الجاية.

تقدر تدخل بالإيميل والباسورد أو بحساب جوجل. لو نسيت الباسورد اضغط "نسيت كلمة السر" في صفحة الدخول وهيوصلك لينك على إيميلك تعمل بيه باسورد جديد.